Рыбакина Монреаль турнирінің жартылай финалына өтті
Фото: Getty Images
Әлемдік рейтингте 12-орында тұрған қазақстандық теннисші Елена Рыбакина Монреальдағы WTA 1000 санатындағы турнирде жартылай финалға шықты, деп хабарлайды Pin-UpSport.kz.
Ширек финалда Елена украиналық Марта Костюкпен (28-орын) кортқа шықты. Алғашқы сетте Рыбакина 6:1 есебімен басым түсіп, екінші сетте 2:1 есебімен алға шыққан соң қарсыласы ойынды жалғастырудан бас тартты. Осылайша, Елена жарыстың жартылай финалына жолдама алды.
Бұған дейін Рыбакина америкалық Хейли Баптисті (6:4, 6:3), румыниялық Жаклин Кристианды (6:0, 7:6) және украиналық Даяна Ястремскаяны (5:7, 6:2, 7:5) жеңген болатын.
Айта кетейік, турнирдің жалпы жүлде қоры – 5 152 199 доллар. Чемпион атанған теннисші 752 275 доллар сыйақы мен 1000 рейтинг ұпайын иеленеді.
