Рыбакина Монреаль турнирінің төртінші кезеңіне өтті
Фото: Getty Images
Қазақстанның бірінші ракеткасы Елена Рыбакина (WTA №12) Монреальда өтіп жатқан WTA 1000 турнирінің үшінші кезеңінде жеңіске жетіп, төртінші раундқа жолдама алды, деп хабарлайды Pin-UpSport.kz.
Қарсыласы румыниялық Жаклин Кристиан (№52) болған матчта Рыбакина 6:0, 7:6 (7:5) есебімен басым түсті. Алғашқы сетте отандасымыз айқын басымдық көрсетті. Екінші партияда бәсеке қыза түсті, бірақ тай-брейкте жеңіс қазақ теннисшісіне бұйырды. Ойын 1 сағат 22 минутқа созылды.
Рыбакина сегіз эйс жасап, бірде-бір қос қате жіберген жоқ. Ол жеті брейк-пойнттың үшеуін тиімді пайдаланса, қарсыласы брейк жасауға мүмкіндік таппады. Келесі кезеңде Елена украиналық Даяна Ястремскамен кездеседі.
Айта кетейік, бұл жарыстың жүлде қоры 5 миллион 152 мың доллардан асады. Рыбакина турнирді екінші айналымнан бастап, америкалық Хейли Баптисті 6:4, 6:3 есебімен жеңген еді.
