«Барыстың» қақпашысы ҚХЛ-дегі ең көп айлық алатын хоккейшілердің қатарына енді
ҚХЛ командаларындағы ең жоғары жалақы алатын хоккейшілердің рейтингі жарияланды, деп хабарлайды Pin-UpSport.kz «Штаб Хоккеиста» Telegram арнасына сілтеме жасап.
«Барыс» қақпашысы Никита Бояркин 22 ойыншының ішінде 20-орынға тұрақтады. Оның жылдық жалақысы — 40 миллион рубль (266,2 млн теңге). Рейтинг көшін «Салават Юлаев» шабуылшысы, канадалық Джош Ливо бастады — 110 миллион рубль (732,4 млн теңге). Соңғы орында — «Нефтехимик» капитаны Александр Дергачев (35 млн рубль немесе 232,9 млн теңге).
Өткен маусымда Бояркин 38 ойын өткізіп, «Барыстың» 9 жеңісіне үлес қосты. Оның көрсеткіші — 92,4% соққыны қайтару және сенімділік коэффициенті 2,45. Ақпанда ол тізе жарақатын алып, наурызда Германияда ота жасатты.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
