Роналду тағы да әлемнің ең бай спортшысы атанды
Криштиану Роналду. Фото: Getty Images
Forbes журналы 2025 жылы ең көп табыс тапқан спортшылардың жаңартылған рейтингін жариялады. Тізімнің басында қатарынан үшінші жыл Криштиану Роналду тұр. Бұл – оның мансабындағы бесінші рет көш бастауы.
40 жастағы шабуылшы соңғы 12 айда 275 миллион доллар тапқан. Оның 225 миллионы – футболдағы келісімшарттар мен сыйақылар, ал қалған 50 миллионы – жарнама мен басқа жобалардан түскен табыс. Бұл – тарихтағы үшінші ірі жылдық табыс. Одан жоғары нәтиже тек Флойд Мейвезерде болған.
2025 жылғы ең көп табыс тапқан 10 спортшы жалпы 1,4 миллиард доллар жинаған – бұл Forbes рейтингінің тарихындағы рекорд. Әрқайсысының табысы 100 миллион доллардан асқан. Екінші орында – баскетболшы Стефен Карри, ал үшінші орын – Тайсон Фьюриге тиесілі.
Айбар Рысдаулет
UFC Қазақстанда турнирін өткізе ме?
«Барселона» чемпиондықты дер кезінде рәсімдеді