Роналду дубль жасап, «Әл-Наср» қатарынан төртінші рет жеңіске жетті
Криштиану Роналду. Фото: Al Nassr FC via Getty Images
Сауд Арабиясы чемпионатының 27-турында «Әл-Наср» өз алаңында «Әл-Риядты» 2:1 есебімен тізе бүктірді. Бұл ойында басты қаһарман – Криштиану Роналду. Ол 56 және 64-минуттарда қос гол соғып, командасына жеңіс сыйлады. Қонақтар сапынан жалғыз голды Фаиз Селемани алғашқы таймның қосымша минутында соқты.
«Әл-Рияд» кездесуді толық құрамда аяқтай алмады. 90+4 минутта Ахмед Асири қызыл қағаз алып, алаңнан қуылды. Соған қарамастан, есеп өзгерген жоқ.
Бұл жеңістен кейін «Әл-Насрдың» ұпай саны 57-ге жетіп, команда турнир кестесінде үшінші орында келеді. Бұл — клубтың қатарынан төртінші жеңісі. Сонымен қатар, Роналду бастаған ұжым соңғы алты матчта жеңілмей келеді (төрт жеңіс, екі тең ойын). «Әл-Рияд» болса, 34 ұпаймен тоғызыншы орында.
Айбар Рысдаулет
Самат Смақовтың ұлы Түркияда ойнайды
Волкановски қайта UFC чемпионы атанды