Волкановски қайта UFC чемпионы атанды
Александром Волкановски. Фото: The Straits Times
12 сәуірден 13 сәуірге қараған түні АҚШ-тың Майами қаласында UFC 314 турнирі өтті. Кештің басты жекпе-жегі Александр Волкановски мен Диего Лопес арасында болды. Бұл кездесуде жартылай жеңіл салмақтағы бос тұрған чемпиондық белбеу сарапқа салынды.
Бес раундқа созылған шайқас Волкановскидің пайдасына шешілді. Қазылар бірауыздан австралиялық спортшыны жеңімпаз деп таныды — 48-47, 49-46, 49-46. Осылайша, Волкановски бұрынғы атағын қайта қайтарып алды. Бұл белбеу бұған дейін Илия Топурияда болған, алайда ол салмақ дәрежесін өзгертуге шешім қабылдап, титулдан бас тартқан еді.
Бұл жеңіс Волкановскидің кәсіпқой мансабындағы 27-ші жеңісі болды (4 жеңіліс). Лопес болса 23 рет жеңіп, 7 рет жеңілген. Ал кештің қосалқы басты жекпе-жегінде британиялық Пэдди Пимблетт америкалық Майкл Чендлерді үшінші раундта нокаутпен жеңді.
Айбар Рысдаулет
Роналду дубль жасап, «Әл-Наср» қатарынан төртінші рет жеңіске жетті
Футзалдан Қазақстан құрамасы Еуро-2026 жолдамасына бір табан жақындай түсті