Ризабек Айтмұхан АҚШ-та өткен титулдық белдесуде Кайл Снайдерге есе жіберді
Ризабек Айтмухан
Қазақстандық еркін күрес шебері Ризабек Айтмұхан RAF лигасының чемпиондық белбеуін жеңіп ала алмады, АҚШ-та өткен титулдық белдесуде америкалық Кайл Снайдерге жол берді, деп хабарлайды Pin-UpSport.kz. Кездесу Филадельфиядағы RAF 08 турнирі аясында өтті.
Жартылай ауыр салмақтағы белдесу басында қазақстандық спортшы 6:0 есебімен алға шықты. Алайда кездесудің кейінгі бөлігінде Снайдер бастаманы өз қолына алып, есепті 12:6-ға дейін жеткізіп, жеңіске жетті және чемпиондық атағын қорғап қалды.
Кайл Снайдер қазіргі заманның ең титулды балуандарының бірі саналады. Оның еншісінде 2016 жылғы Рио-де-Жанейрода өткен Олимпиада ойындарының алтын медалі және 2020 жылғы Токио Олимпиадасының күміс жүлдесі бар. Сонымен қатар ол 2015, 2017, 2022 және 2025 жылдары әлем чемпионы атанған.
Ризабек Айтмұхан да халықаралық деңгейде жоғары нәтижелерге қол жеткізген. Ол 2023 жылы Қазақстан тарихында еркін күрестен тұңғыш әлем чемпионы атанып, 2023–2025 жылдар аралығында Азия чемпионаттарында қатарынан үш рет күміс жүлде иеленді.
Айбар Рысдаулет
Жозе Моуринью «Реалға» қайта оралуы мүмкін
Конор Макгрегор 2026 жылдың жазында октагонға оралуды жоспарлап отыр