Рингтің бай патшасы кім? Мейвезер тарихтағы ең бай боксшы атанды
Флойд Мейвезер. Фото: USA Today
Флойд Мейвезер әлем боксы тарихындағы ең бай спортшы ретінде танылды, деп жазады Give Me Sport. Америкалық боксшының байлығы 400 миллион долларға бағаланған. Мұндай көрсеткішке әлі ешкім жете алған жоқ.
Екінші орында — әйгілі Джордж Форман, оның есепшотында 300 миллион доллар бар. Үштікті мексикалық Сауль Альварес түйіндеп тұр — ол мансабында 250 миллион доллар тапқан.
Тізімдегі алғашқы бестіктен Мэнни Пакьяо (220 млн) мен Оскар Де Ла Хойя (200 млн) да орын алды. Ал Тайсон Фьюриді екі рет жеңген соң Александр Усиктің байлығы 165 миллион долларға жетіп, ол алтыншы орынға көтерілді.
Ең қызығы — үздік ондықтың соңында блогерден боксшыға айналған Джейк Пол тұр. Қазір оның да дәулеті 100 миллион доллардан асады. Осы арада WBA аса ауыр салмақта мини-турнир өткізетінін жариялады.
