«Реалға» өткен Трент жаңа нөмір мен жаңа есім алды
Трент. Фото: Real Madrid via Getty Images
Ағылшын қорғаушысы Трент Александер-Арнольд Клубтық әлем чемпионаты басталар алдында мадридтік «Реалдың» жаңа ойыншысы ретінде 12-нөмірге ие болды, деп хабарлайды Pin-Upsport.kz. Бұрын «Ливерпульде» 66-нөмірмен ойнаған Трент Испания Ла Лигасының ережесіне байланысты бұл нөмірді сақтап қала алмады – негізгі құрам ойыншыларына тек 1 мен 25 арасындағы нөмірлер беріледі.
Бұл шектеуден жастар құрамындағы футболшылар ғана босатылады. Мысалы, биылғы маусымда «Реал» қорғаушысы Рауль Асенсио 35-нөмірмен ойнап жүр. Ал Трентке ресми түрде 12-нөмір бекітілді.
Сонымен қатар енді оның жейдесінде бұрынғыдай «Александер-Арнольд» емес, тек «Трент» деген жазу болады. Мадридтік клуб «Аль-Хиляль», «Пачука» және «Ред Булл Зальцбургпен» кездеседі. Бұл трансфер үшін «Реал» «Ливерпульге» 10 миллион фунт төледі.
Айбар Рысдаулет
Қазақстан ФИФА рейтингінде бір сатыға төмендеді
Базарбайұлы Тайландта кәсіби боксқа дайындалып жатыр