«Реал» маусымды рекордтық табыспен аяқтады
Мадридтің «Реалы» 2024/2025 қаржылық маусымын 24 миллион еуро таза пайдамен жапты. Бұл өткен жылмен салыстырғанда 56 пайызға көп, деп хабарлайды Pin-UpSport.kz.
Клубтың трансферден тыс табысы 1,185 миллиард еуроға жетіп, жаңа рекорд орнатты. Бұл өткен жылғы көрсеткіштен 10 пайызға жоғары. Мұндай қаржылық межені бұған дейін бірде-бір футбол клубы бағындырмаған. Ал EBITDA көрсеткіші 242,9 миллион еуроға жетіп, клуб тарихындағы ең жоғары деңгейге көтерілді.
«Реалдың» меншікті капиталы 598 миллион еуроға өскен. Қарыз коэффициенті нөлге тең — бұл клубтың қаржылық тәуелсіздігін көрсетеді. Стадионды жаңғырту үшін алынған несиелерді есептемегенде, клубтың нақты қарызы — 12 миллион еуро. Ал құрылысқа қатысты берешек — 1,132 миллиард еуро.
Автор туралы
Айбар Рысдаулет
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
