Самородов РПЛ матчында нәтижелі пас берді
Максим Самородов. Фото: ФК Ахмат
Қазақстандық шабуылшы Максим Самородов Ресей Премьер-лигасының 21-туры аясында өткен матчта нәтижелі әрекетімен көзге түсті, деп хабарлайды Pin-UpSport.kz. Грозныйдың «Ахмат» клубы сырт алаңда «Акронға» қарсы ойнады.
Кездесудің 27-минутында Самородов бұрыштама добын дәл орындап, соның нәтижесінде Георгий Мелкадзе қарсылас қақпасына гол соқты. Бұл гол «Ахмат» командасын есепте алға шығарды.
Жаңалық жарияланған сәтте грозныйлық клуб «Акронды» 1:0 есебімен ұтып жатты. Осылайша, қазақстандық шабуылшының нәтижелі әрекеті матчтағы алғашқы голдың соғылуына себеп болды.
Айта кету керек, Максим Самородов соңғы матчтарда жақсы формада ойнап жүр. Бұған дейін ол қатарынан екі ойында гол соғып, «ЦСКА» (1:0) және «Локомотив» (2:2) командаларына қарсы кездесулерде көзге түскен болатын. Бұл ойынға дейін Ресей Премьер-лигасының турнирлік кестесінде «Ахматтың» еншісінде 26 ұпай болса, «Акрон» командасында 21 ұпай болған.
