Семсерлесуден Қазақстан Азия чемпионатында күміс алды
Фото: НОК РК
Семсерлесуден Қазақстан ерлер құрамасы Азия чемпионатында күміс медаль жеңіп алды, деп хабарлайды Pin-Upsport.kz.
Финалдық бәсеке Индонезиядағы Бали аралында өтті. Қазақстан құрамасы жапондармен кездесіп, тартысты кездесуде жеңісті қарсыласқа беріп қойды.
Ойын 45:39 есебімен Жапония пайдасына аяқталды. Осылайша, еліміздің спортшылары құрлықтық додада екінші орынға табан тіреді.
Күміс жүлде иегерлері – Эльмир Алимжанов, Руслан Курбанов, Вадим Шарлаимов және Ерлік Сертай. Айта кетейік, Жапония құрамасы 2024 жылғы Олимпиаданың финалына дейін жетіп, онда Венгриядан ұтылған болатын.
Бұл – Қазақстан құрамасының турнирдегі екінші медалі. Бұған дейін Вадим Шарлаимов жекелей сынның қола жүлдесін жеңіп алған.
Автор туралы
Айбар Рысдалует
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
