ҚФФ құрылымында үлкен өзгеріс: ПФЛК мүшеліктен шығарылды, Исполком жаңарды
Фото: Пресс-служба КФФ
2025 жылғы 26 мамырда Астанада Қазақстан футбол федерациясының президенті Марат Омаровтың төрағалығымен ҚФФ-ның кезектен тыс XXVIII Конференциясы өтті.
Жиынға аймақтық футбол ұйымдары, ҚР Туризм және спорт министрлігі, Ұлттық Олимпиада комитеті мен халықаралық ұйым өкілдері – ФИФА-дан Марко Ферри, УЕФА-дан Йозеф Климент қатысты.
Бас тақырып – федерацияның құрылымдық және жарғылық өзгерістері. Конференцияда ҚФФ Жарғысына бірқатар толықтырулар мен өзгерістер енгізіліп, ПФЛК федерация құрамынан шығарылды. Енді ол ұлттық жарыстарды ұйымдастыру құқығынан айырылады, ал оның президенті Исполком құрамынан автоматты түрде шығарылды.
Бұдан бөлек, жарғы талаптарын бұзған бірнеше ұйым ҚФФ құрамынан аластатылды. Сонымен қатар, алты мүше өз еркімен Исполком құрамынан кетіп, олардың орнына жаңа өкілдер, соның ішінде халықаралық мамандар сайланды.
Айбар Рысдаулет
Актөбедегі айқас: көрерменсіз өткен кеш, нокаутпен аяқталған жекпе-жектер
«Атырауда» өзгеріс: Қуаныш Қабдулов бас бапкер қызметінен кетті