Қазақстанның 19 былғары қолғап шебері Хабаровскіде бақ сынайды
Сакен Бибосынов. Фото: Sportsfile via Getty Images
14–20 сәуір күндері Ресейдің Хабаровск қаласында Константин Коротковты еске алуға арналған бокстан халықаралық турнир өтеді. Бұл жарысқа Қазақстан атынан 19 боксшы қатысады.
Ерлер құрамында 11 спортшы бар: олардың арасында Сәкен Бибосынов (54 кг), Теміртас Жүсіпов (48 кг), Сағындық Тоғамбай (92 кг), Нұрлан Сапарбай (+92 кг) сынды мықтылар бар.
Ал қыздардан 8 боксшы сынға түседі. Арасында тәжірибелі Римма Волосенко мен Әсем Танатар (60 кг), сондай-ақ Шұғыла Налибай мен Анастасия Баязитова (75 кг) сынды ауыр салмақты спортшылар бар.
Жалпы турнирге Ресей, Қытай, Куба, Корея, Тунис, Моңғолия, Тәжікстан, Өзбекстан сынды елдерден келген 150-ге жуық спортшы қатысады деп күтілуде.
Автор туралы
Айбар Рысдаулет
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
