Қазақстандық үш гимнаст Джакартадағы әлем чемпионатының финалына шықты
Милад Карими. Фото: kazsports.kz
Индонезия астанасы Джакартада өтіп жатқан спорттық гимнастикадан әлем чемпионатында Қазақстан құрамасының үш өкілі финалға жолдама алды, деп хабарлайды Pin-UpSport.kz. Спортшылар бірнеше жаттығу түрінде жоғары нәтиже көрсетті.
Милад Карими еркін жаттығулардың іріктеу кезеңінде 14.133 ұпай жинап, төртінші нәтиже арқылы финалға шықты. Сондай-ақ ол турник жаттығуларында 14.200 ұпай алып, тағы бір финалға жол ашты.
Париж-2024 Олимпиадасының күміс жүлдегері Нариман Құрбанов ат снарядындағы жаттығуларда 14.700 ұпаймен бірінші орынды иеленді. Оның жанында осы жаттығудың финалында Зейнолла Ыдырыс та (14.300 ұпай) бақ сынайды.
Ал Диас Тойшыбек, Дмитрий Потанин және Ильяс Әзізов финалға өте алмады. Еркін және ат снарядындағы жаттығулардың шешуші кезеңдері 24 қазанда өтеді, ал турник бойынша жеңімпаздар 25 қазанда анықталады.
Айбар Рысдаулет
Еркін Тапалов ұлттық құрамадан не себепті тыс қалғанын түсіндірді
Нұрлан Сапарбай 90 келіден жоғары салмақта Қазақстан чемпионы атанды