Қазақстандық дзюдошылардың үш иппоны әлемдегі үздіктер қатарына енді
Халықаралық дзюдо федерациясы қазақстандық үш спортшыны 2026 жылдың үздік иппондары авторларының қатарына қосты, деп хабарлайды Pin-UpSport.kz.
Үздік мерзімінен бұрынғы жеңістер қатарына Ақылжан Жұбатқан, Нұрадил Әлжан және Ғалымжан Қырықбайдың иппондары енді. Олардың нәтижелері Астана мен Душанбе қалаларында өткен Grand Slam турнирлерінен кейін жоғары бағаланды.
Астанадағы Grand Slam жарысында 66 келіге дейінгі салмақта сынға түскен Ақылжан Жұбатқан Гонконг өкілі Ка Ки Вонгты белдесу басталғаннан кейін небәрі тоғыз секундта иппонмен жеңді. Ал +100 келі салмақтағы Ғалымжан Қырықбай үндістандық Дхиян Сингхты 3,9 секундта иппонмен ұтып шықты.
Осының арқасында Қырықбай IJF Әлемдік туры тарихындағы ең жылдам үш иппон авторының қатарына енді.
Нұрадил Әлжан да Душанбе Grand Slam турниріндегі өнері үшін үздіктер тізіміне енгізілді. 60 келіге дейінгі салмақтағы жұбаныш белдесуінде ол өзбекстандық Мұхаммаджон Машариповты мерзімінен бұрын жеңіп, қола жүлде үшін белдесуге жолдама алған болатын.
