Қазақстандық боксшылар Дубайдағы әлем чемпионатының төртінші күнінде толық жеңіске жетті
Абылайхан Жусупов. Фото: olympic.kz
Халықаралық бокс қауымдастығы (IBA) ұйымдастырған Дубайдағы әлем чемпионаты-2025 турнирінің төртінші жарыс күні аяқталды, деп хабарлайды Pin-UpSport.kz. Бұл күні Қазақстан құрамасының үш боксшысына рингке шығу бұйырды.
Әлемдік біріншілік жаңа форматта өтіп жатыр және түрлі елдердің мықты спортшыларын жинады. Қазақстан жұдырықшылары 57 кг, 63,5 кг және 71 кг салмақ дәрежелерінде өнер көрсетіп, жарыстың келесі кезеңдеріне жолдама алу үшін бақ сынады. Дубайдағы турнир маусымның маңызды старты саналып, алдағы халықаралық бәсекелерге дайындық тұрғысынан үлкен рөл атқарады.
57 килода Оразбек Асылқұлов Кабо-Верде боксшысы Элизандру Саншеша да Силваны айқын басымдықпен жеңді — 5:0. 63,5 кг салмақта Ертуған Зейнуллинов моңғолиялық Даваадалай Алтангэрэлді дәл осындай есеппен ұтып, қарсыласын үш рет нокдаунға жіберді. 71 килода Абылайхан Жүсіпов Армения өкілі Арарат Арутюняннан басым түсіп, екі рет нокдаун жасап, кездесуді 5:0 есебімен аяқтады.
Осы үш жеңіс қазақстандық боксшыларға әлем чемпионатының келесі айналымына сенімді өтуге мүмкіндік берді. Алдағы кездесулер олардың турнирлік жолын анықтап, жүлделерге таласу мүмкіндігін айқындайды.
