Қазақстандық боксшы қарсыласын екінші раундта нокаутқа түсірді
Ангелина Лукас
Қазақстандық кәсіпқой боксшы Ангелина Лукас (13-1, 6 КО) соңғы 20 күнде үшінші рет рингке шығып, тағы да жеңіске жетті. Бұл жолы оның қарсыласы боливиялық спортшы Есения Токо (1-0, 0 КО) болды.
Жекпе-жек Стамбулда өтіп, сегіз раундқа жоспарланған еді. Бірақ соңына дейін жеткен жоқ — екінші раундта Лукас бірнеше дәл соққысын дарытып, Токо жекпе-жекті жалғастырудан бас тартты. Осылайша, қазақстандық боксшы техникалық нокаутпен жеңіске жетті.
Бұл жеңіс Ангелина Лукас үшін кәсіпқой бокстағы 14-ші жетістігі болды. Ал боливиялық спортшы карьерасындағы алғашқы жеңілісіне тап болды.
Айта кетейік, Лукас соңғы үш жекпе-жегін 31 қаңтардан бері өткізіп үлгерді. Ол алдымен Мәскеуде нигериялық Айисата Оримиді жеңсе, кейін венесуэлалық Джоана Зунигадан басым түсті.
Айбар Рысдаулет
Михаил Шайдоров төрт құрлық чемпионатында топ жарды
«Қайрат» — Қазақстан Суперкубогының жеңімпазы