Қазақстан жасөспірімдер арасындағы әлем чемпионатына құрамын жариялады
Қазақстанның дзюдодан кадеттер құрамасының Эквадордың Гуаякиль қаласында өтетін әлем чемпионатына қатысатын құрамы белгілі болды, деп хабарлайды Pin-UpSport.kz.
Ұлттық құраманың өтініміне 20 спортшы енді. Ерлер құрамасында Бекарыс Құдайберген мен Әділжан Нұрбекен (50 келіге дейін), Бақдәулет Ізбасар (55 келіге дейін), Расулхан Ғабит пен Ахмет Баубек (60 келіге дейін), Ерік Үсенов (66 келіге дейін), Бекәлі Еркен (73 келіге дейін), Әлижан Сайлаубеков (81 келіге дейін), Шыңғыс Қонысбек (90 келіге дейін) және Әділжан Жаудинов (90 келіден жоғары) өнер көрсетеді.
Әйелдер құрамасына Жанель Айтбай мен Әдия Жанахмет (40 келіге дейін), Рамина Әбішева (44 келіге дейін), Иянат Жұбатқан мен Зере Талғатқызы (48 келіге дейін), Фатима Супығалиева (52 келіге дейін), Інжу Жұмажан мен Еркеназ Сембек (57 келіге дейін), Азима Серік (63 келіге дейін) және Тоғжан Төлебай (70 келіден жоғары) енді.
Кадеттер арасындағы әлем чемпионаты 20–23 тамыз аралығында Эквадордың Гуаякиль қаласында өтеді.
