«Женистің» жаңа бас бапкері кім болуы мүмкін екені белгілі болды
Босниялық маман Владимир Слишкович елордалық «Женистің» бас бапкері қызметіне тағайындалуға жақын, деп хабарлайды Pin-UpSport.kz.
«Инсайды от Карпа» Telegram-арнасының мәліметінше, 43 жастағы бапкер сейсенбі күні Астанаға келіп, қазақстандық клубпен келісімшартқа қол қояды. Келісімнің мерзімі 2026 жылдың соңына дейін есептелген.
Слишкович бұған дейін Ливанның «Аль-Ансар» және Босния мен Герцеговинаның «Зриньски» клубтарында бас бапкердің көмекшісі қызметін атқарған. Сондай-ақ Босния және Герцеговина U16 жасөспірімдер құрамасының жаттықтырушылар штабында жұмыс істеп, кейін Мәскеудің «Спартак» клубында бас бапкердің көмекшісі әрі міндетін атқарушы болды. Оның соңғы жұмыс орны Ресейдің «Оренбург» клубы болды. Өткен маусымда команда Ресей Премьер-лигасында 12-орынға тұрақтады.
Еске салсақ, бұған дейін «Женистің» бас бапкері қызметінен Әли Әлиев кеткен болатын. Қазақстан Премьер-лигасының 20 турында елордалық клуб 23 ұпай жинап, турнир кестесінде сегізінші орында тұр.
