Қазақстан құрамасы Кубок Дэвис матчына қатысатын ойыншылар тізімін жариялады
Фото: Icon Sport via Getty Images
Қазақстанның ұлттық теннис құрамасы Оңтүстік Кореямен өтетін Кубок Дэвис кездесуіне қатысатын ойыншыларды анықтады, деп хабарлайды Pin-UpSport.kz.
Бас бапкер Юрий Щукин құрамға Александр Бублик, Александр Шевченко, Тимофей Скатов, Дмитрий Попко және Бейбіт Жұқаевты қосты. Дәл осы бес спортшы ел намысын қорғайды.
Матчтар 12–13 қыркүйекте Чхунчхон қаласындағы Songam Sport Town спорт кешенінің хард кортында өтеді. Қарсылас құрамалар төрт жеке және бір жұптық кездесуде күш сынасады. Әр матч үш сеттен тұрады.
Бұл кезеңнің жеңімпазы келесі жылы Кубок Дэвистің финалдық кезеңіне жолдама беретін іріктеу сындарына қатысу мүмкіндігіне ие болады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
