Спорт министрі «Қайрат» – «Реал» ойыны алдында жанкүйерлерге ескерту жасады
Фото: Getty Images
Қазақстанның Туризм және спорт министрі Ербол Мырзабосынов Алматыда өтетін «Қайрат» пен мадридтік «Реал» арасындағы кездесу қарсаңында жанкүйерлерге үн қатты, деп хабарлайды Pin-UpSport.kz.
Министрдің айтуынша, билет бағасы мен сатылым орындары клуб тарапынан УЕФА-мен келісілгеннен кейін ресми түрде жарияланады. «Ең бастысы — сақтық таныту. Қазір алаяқ платформалар көбейіп кетті. Сол себепті алданбау үшін ресми хабарламаны күткен дұрыс. Біз билеттердің қашан сатылымға шығатынын алдын ала жариялаймыз», — деді Мырзабосынов.
Айта кетейік, Лига Чемпионатының екінші турындағы бұл ойын 30 қыркүйекте Алматының Орталық стадионында өтеді. «Реал» Қазақстанға алғаш рет ресми матч өткізуге келмек.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
