Қазақ боксшылары Бакуде өтетін «Жібек жолы» турнирінде бақ сынайды
Фото: kazsports.kz
10–16 сәуір күндері Әзербайжан астанасы Бакуде бокстан халықаралық «Жібек жолы» турнирі өтеді. Бұл жарысқа Қазақстан ұлттық құрамасынан 20 спортшы қатысады.
Боксшыларымыз қазірдің өзінде Бакуге барып, 30 наурыздан бері бірлескен оқу-жаттығу жиындарын өткізіп жатыр. Бұл жиын турнир алдындағы дайындықты пысықтауға жақсы мүмкіндік беріп отыр.
Жарысқа әртүрлі салмақтағы былғары қолғап шеберлері қатысады. Олардың қатарында Еркебұлан Қарап пен Нұрбол Төребеков (48 кг), Рахым Нұрлыбаев (51 кг), Бағдаулет Кенжебек пен Жәнібек Сәрсенбаев (54 кг), Ержан Сабыр (57 кг), Шыңғыс Мүсінов (60 кг), Бексұлтан Мәжжан (63,5 кг), Дархан Бекбауов (67 кг), Нұрсұлтан Мұрсал (71 кг), Сұлтанбек Бегалиев (75 кг), Дінмұхаммед Мамыр (86 кг) және тағы басқа спортшылар бар.
