«Қайраттың» 17 жастағы шабуылшысы Еуропаға ауысады
Фото: КФФ
Алматының «Қайрат» клубының жас ойыншысы Дастан Сәтпаевқа еуропалық грандтардың қызығушылығы артып отыр. Ағылшын инсайдерлері 17 жастағы футболшының «Челсиге» ауысатынын, кейін француздық «Страсбургке» жалға берілетінін жазды, деп хабарлайды Pin-UpSport.kz.
Мұндай шешім жас шабуылшының Еуропадағы тәжірибесін арттыруға бағытталған. «Страсбург» — Францияның Лига 1 клубы әрі «Челсидің» серіктес командасы. Қазір клуб тоғыз турдан кейін 16 ұпай жинап, турнир кестесінің тоғызыншы сатысында тұр.
Сәтпаев бұл маусымда «Қайраттың» негізгі құрамында көзге түсіп, ұлттық құраманың да сапында өзін жақсы қырынан көрсетті. Енді оның Еуропаға жолдама алуы — қазақстандық футбол үшін маңызды оқиға болмақ.
Ресми ақпарат алдағы апталарда жариялануы мүмкін. Егер келісім толық жүзеге асса, Дастан Сәтпаев топ-5 лига клубымен келісімшартқа отырған ең жас қазақстандық ойыншылардың бірі атанады.
Айбар Рысдаулет
«Реал» «Барселонаны» жеңіп, Ла Лигадағы көшбасшылығын нығайтты
Ризабек Айтмұхан еркін күрестен жастар арасында әлем чемпионатының қола жүлдегері атанды