«Қайрат» қақпашы дағдарысына байланысты Игорь Шацкийді шақыруы мүмкін
Фото: Getty Images
Лиссабонның «Спортингіне» қарсы Чемпиондар лигасының алғашқы ойынында алматылық «Қайрат» қақпашы мәселесіне тап болды, деп хабарлайды Pin-UpSport.kz.
Александр Заруцкий мен Темірлан Анарбеков жарақат алғандықтан, қақпаны 18 жастағы Шерхан Қалмұрза қорғады. Жас қақпашы пенальти соққысын қайтарып көзге түсті, алайда команда 1:4 есебімен жеңіліп қалды.
Extratime Telegram-арнасының мәліметінше, клуб бұрынғы Қазақстан құрамасының қақпашысы әрі «Шахтердің» капитаны Игорь Шацкиймен келіссөз жүргізіп жатыр. Тәжірибелі ойыншы соңғы матчқа қатыспады және жақын күндері келісімшартын бұзуы мүмкін. Ол еркін агент ретінде «Қайратқа» қосылуы ықтимал.
«Қайрат» Чемпиондар лигасындағы келесі кездесуін 30 қыркүйекте Алматыда «Орталық» стадионында Мадридтің «Реалына» қарсы өткізеді.
