Айдос Сұлтанғали әлем чемпионы атанды
Фото: Getty Images
Қазақстандық грек-рим күресшісі Айдос Сұлтанғали Загребте (Хорватия) өткен әлем чемпионатында алтын жүлдеге қол жеткізді, деп хабарлайды Pin-UpSport.kz.
60 келіге дейінгі салмақтағы финалда ол Өзбекстан балуаны Әлішер Ғаниевті сенсациялық түрде 9:0 есебімен тізе бүктірді. Ғаниев осы жарыстың фавориттерінің бірі саналған: ол алтыншы нөмірмен тіркеліп, әлемдік рейтингте (UWW) оныншы орында тұрған. Ал Айдос Сұлтанғалидың бұл салмақта рейтингі болмаған.
Финалға дейін қазақстандық спортшы АҚШ-тан Максвелл Хоппер Блэкті, Израильден Мелкаму Фетенені, КХДР-дан Се Ун Риді және Грузиядан Амиран Шавадзені жеңді. Айдостың бұл жеңісі оның спорттық мансабындағы ең ірі табыс әрі қазақ күресінің тарихындағы жарқын белес болды.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
