«Қайрат» капитаны матч барысында тісінен айырылды
Фото: Getty Images
5 қыркүйекте Минскіде өткен Беларусь пен Грекия құрамаларының ойынында алматылық «Қайрат» капитаны әрі Беларусь қорғаушысы Александр Мартынович жарақат алып, қолайсыз жағдайға тап болды, деп хабарлайды Pin-UpSport.kz.
54-минутта алған соққыдан кейін ойыншы тісінен айырылып, алаңды ерте тастауға мәжбүр болды. Беларусь құрамасы қарсыласқа лайықты қарсылық көрсете алмай, 1:5 есебімен жеңіліп қалды.
Беларусь құрамасы ендігі кездесуін 8 қыркүйекте Шотландияға қарсы өткізеді.
Ал бұл уақытта «Қайрат» тығыз ойын күнтізбесіне дайындалуда: Қазақстан Премьер-лигасының 23-тур ойындары 13–14 қыркүйекке белгіленген, ал 19 қыркүйекте алматылықтар Чемпиондар лигасының топтық кезеңін сырт алаңда Португалияның «Спортинг» клубына қарсы бастайды.
