Зидан «Фенербахчеге» бас бапкер болуы мүмкін
Фото: France 24
Стамбұлдың «Фенербахче» клубы аты аңызға айналған француз маманы Зинедин Зиданмен алдын ала келісімге келді, деп хабарлайды Pin-UpSport.kz Sabah Spor басылымына сілтеме жасап.
Дереккөзге сенсек, тараптар еңбек шартының негізгі тармақтарын талқылап қойған. Жақын күндері жалақы мен бонустарға қатысты егжей-тегжейлі келісім аяқталған соң, Зидан Түркияға аттанады деп күтілуде.
Зидан бұған дейін мадридтік «Реалды» екі мәрте (2016–2018, 2019–2021) жаттықтырған. Оның жетекшілігімен команда үш рет Чемпиондар лигасын, екі мәрте Испания чемпионатын және екі Суперкубокты жеңіп алды.
Тамыз айының соңында Жозе Моуринью кеткеннен кейін «Фенербахчеде» бас бапкер орны босап қалған еді. Енді ол орынға әлем футболындағы ең беделді мамандардың бірі келуі ықтимал.
