«Қайрат» Чемпиондар лигасында кімге қарсы ойнайды
Фото: Getty Images
2025/26 маусымындағы Чемпиондар лигасының қатысушылары белгілі болды. Алғаш рет бұл додада алматылық «Қайрат» өнер көрсетеді, деп хабарлайды Pin-UpSport.kz.
Жаңа жүйеге сәйкес, енді турнирде 36 клуб бір кесте бойынша ойнайды. Әр команда әртүрлі себеттерден сегіз қарсыласқа тап болады. Бұрынғыдай төрт клубтан құралған топтар болмайды, бұл формат жарыстың тартысын күшейтпек.
1 себет: «ПСЖ», «Реал», «Манчестер Сити», «Бавария», «Ливерпуль», «Интер», «Челси», «Боруссия», «Барселона».
2 себет: «Арсенал», «Байер», «Атлетико», «Бенфика», «Аталанта», «Вильярреал», «Ювентус», «Айнтрахт», «Брюгге».
3 себет: «Тоттенхэм», ПСВ, «Аякс», «Наполи», «Спортинг», «Олимпиакос», «Славия», «Буде-Глимт», «Марсель».
4 себет: «Копенгаген», «Монако», «Галатасарай», «Юнион», «Карабах», «Атлетик», «Ньюкасл», «Пафос», «Қайрат».
Бұл маусымда алғаш рет «Қайрат» (Қазақстан), «Юнион» (Бельгия), «Будё-Глимт» (Норвегия) және «Пафос» (Кипр) негізгі кезеңге жолдама алды. Алматылық ұжым төртінші себетке түсті, онда «Ньюкасл», «Монако» және «Галатасарай» сияқты командалар бар.
Жеребе 28 тамызда Монакода өтеді. Қарсыластарды анықтау үшін гибридті әдіс қолданылады: шарлар қолмен алынады, ал жұптарды компьютер анықтайды.
