«Қайрат» әлемдегі үздік футзал клубы атағына үміткер атанды
Фото: Кайрат АФК
Алматылық Кайрат футзал клубы 2025 жылғы Futsal Planet Awards халықаралық сыйлығының «Әлемнің үздік клубы» номинациясына үміткерлер қатарына енді, деп хабарлайды Pin-UpSport.kz. Қазақстандық команда әлемдік футзалдың алдыңғы қатарлы өкілдерімен бірге аталып, халықаралық деңгейдегі тұрақты нәтижелерін тағы бір мәрте дәлелдеді.
Futsal Planet Awards сыйлығы жыл сайын футзал саласындағы мамандардың, журналистердің және сарапшылардың дауыс беруі арқылы анықталады. «Үздік клуб» номинациясы ең бәсекелі санаттардың бірі саналады, себебі оған ұлттық біріншіліктер мен құрлықтық турнирлерде жоғары нәтиже көрсеткен командалар ғана енеді. «Қайраттың» бұл тізімге қосылуы клубтың Еуропа мен әлем футзалындағы орнының берік екенін көрсетеді.
Аталған марапат үшін алматылық ұжым бірқатар танымал командалармен бақ сынайды. Үміткерлер қатарында Испанияның Картахена және Пальма клубтары, Аргентинаның Бока Хуниорс, Таиландтың Хонген Тхакам, Бразилияның Жарагуа, Италияның Мета Катания және Уругвайдың Пеньяроль командалары бар. Жеңімпаздың есімі 7 қаңтар күні жарияланады.
«Қайраттың» бұл номинацияға ұсынылуына 2024/25 маусымындағы нәтижелері негіз болды. Қазақстандық клуб футзалдан Чемпиондар лигасының финалына дейін жетіп, шешуші ойында «Пальмаға» 4:9 есебімен жол берді. Ал жартылай финалда алматылықтар «Картахенаны» 3:2 есебімен жеңген болатын. Халықаралық сыйлыққа үміткер атану клубтың жетістіктеріне берілген жоғары баға болып саналады және алдағы маусымдардағы дамуына маңызды серпін беруі мүмкін.
Айбар Рысдаулет
Дмитрий Бивол рингке көктемнің соңында оралуы мүмкін
Виктор Темиров 7 ақпанда Германияда титул үшін жұдырықтасады