Нұрқожа Кайпанов Азия чемпионы атанды!
Иордания астанасы Амманда өтіп жатқан Азия чемпионатында Нұрқожа Кайпанов (74 келі) алтын жүлдеге ие болды. Финалда ол Қырғызстан балуаны Орозбек Токтомамбетовпен белдесіп, 2:1 есебімен жеңіске жетті.
Белдесу өте тартысты өтті. Екі балуан да аса сақ күресті. Дегенмен Нұрқожа шешуші сәттерде ұтымды қимылдап, өз есебіне жеңісті жазды.
Айта кетейік, өткен жылы Кайпанов олимпиадалық емес 70 келі салмақта әлем чемпионы атанған болатын. Бұл жолы да ол мықты екенін тағы бір дәлелдеді.
Қазақстан құрамасының қоржынында қазіргі таңда үш жүлде бар: Ризабек Айтмұхан (97 келі) күміс алса, Рахат Қалжан (57 келі) қола иеленді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
