Ризабек Айтмұхан күрестен Азия чемпионатында жүлде алды
Ризабек Айтмухан
Амманда (Иордания) өтіп жатқан Азия чемпионатында еркін күрестен ел намысын қорғаған Ризабек Айтмұхан күміс жүлдеге ие болды. Ол 97 келіге дейінгі салмақта белдесті.
Финалда отандасымызға жапон балуаны Араш Ёшида қарсы тұрды. Жекпе-жек барысында бастан-ақ бастаманы өз қолына алған қарсылас Айтмұханға мүмкіндік бере қойған жоқ.
Кездесу 7:1 есебімен Ёшида пайдасына аяқталды. Осылайша Ризабек Азия біріншілігінде екінші орыннан көрінді.
Айта кетейік, Қазақстан құрамасының еншісінде жарыстың алғашқы күнінде екі медаль бар. Бұған дейін 57 келіде Рахат Қалжан қола жүлде жеңіп алған.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
