Лаура Алмағанбетова мен Зейнеп Баянова күрестен Албаниядағы турнирде алтын медаль жеңіп алды
Қазақстан құрамасы күрестен Албанияның Тирана қаласында өтіп жатқан рейтингтік турнирде кезекті бірнеше медальға қол жеткізді.
Беделді жарыста ел қоржынына алғашқы алтын жүлделерді Лаура Алмағанбетова мен Зейнеп Баянова салды.
Зейнеп Баянова 50 келіге дейінгі салмақта топ жарып, финалда Үндістан өкілі Приянши Пражапатты жеңді.
Ал Лаура Алмағанбетова 55 келіге дейінгі салмақта чемпион атанып, шешуші белдесуде Украина спортшысы Лилия Маланчукты ұтты.
Сондай-ақ еркін күрес шеберлері Азамат Дәулетбеков (92 келіге дейін) пен Ризабек Айтмұхан (97 келіге дейін) қола медаль иеленді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
