Николай Веретенников UFC турнирінде жекпе-жек өткізеді
Қазақстандық ММА файтері Николай Веретенников UFC Fight Night 276 турнирінде өнер көрсетеді, деп хабарлайды Pin-UpSport.kz. Оның қарсыласы америкалық Калин Уильямс болады.
Жекпе-жек 17 мамыр күні АҚШ-тың Лас-Вегас қаласында өтетін турнирдің негізгі кардында ұйымдастырылады. Кездесу Қазақстан уақытымен таңғы 05:00-де басталады. Тікелей трансляция UFC-дің ресми платформасында көрсетіледі.
Бұл айқас Веретенников үшін UFC-дегі алтыншы жекпе-жек болмақ. Қазіргі таңда қазақстандық спортшының ұйымдағы көрсеткіші — екі жеңіс және үш жеңіліс. Ол соңғы кездесуін ақпан айында өткізіп, америкалық Нико Прайсты бірінші раундта нокаутпен жеңген еді.
Калин Уильямс соңғы рет 2025 жылдың маусымында октагонға шыққан болатын. Сол кездесуде ол швециялық Андреас Густафссонға төрешілердің бірауыз шешімімен есе жіберді. Америкалық файтердің кәсіби мансабында 15 жеңіс пен бес жеңіліс бар.
