Астана алғаш рет мәнерлеп сырғанаудан Төрт құрлық чемпионатын қабылдайды
Халықаралық конькишілер одағы (ISU) 2027 жылғы мәнерлеп сырғанаудан Төрт құрлық чемпионатын өткізу орны ретінде Астананы ресми түрде бекітті, деп хабарлайды Pin-UpSport.kz. Қазақстан тарихында алғаш рет осы беделді халықаралық турнирді қабылдайды.
Жарыс 2027 жылдың 9-15 ақпаны аралығында елордада өтеді. Турнирге Азия, Солтүстік және Оңтүстік Америка, Африка мен Мұхит аймағынан келген үздік мәнерлеп сырғанаушылар қатысып, жекелей, жұптық және мұздағы би бағдарламалары бойынша жүлделерді сарапқа салады.
Қазақстан құрамасының көшбасшысы Михаил Шайдоров бұл жарыстың ел спорты үшін маңызы зор екенін атап өтті. Оның айтуынша, халықаралық деңгейдегі турнирді өткізу Қазақстанның спорттық беделін арттырып, жанкүйерлерге әлемнің үздік спортшыларын өз көздерімен көруге мүмкіндік береді.
«Астана – Қазақстанның астанасы. Бұл өзіндік тарихы, ерекше сәулеті мен бай мәдениеті бар заманауи қала. Алдағы маусымға тыңғылықты дайындалып, жанкүйерлерге ұмытылмас әсер сыйлауға тырысамын», – деді Шайдоров.
Айта кетейік, ерлер арасындағы жарыстың қазіргі чемпионы жапониялық Као Миура болса, әйелдер арасында 2026 жылғы турнирде Юна Аоки жеңімпаз атанған.
Айбар Рысдаулет
Александр Бублик ATP рейтингінде 11-орнын сақтап қалды
ҚФФ Талғат Байсуфиновтың қызметінен кеткенін ресми түрде растады