Мейірім Нұрсұлтанов әлем чемпионы атағына бір қадам жақындады
Мейирим Нурсултанов. Фото: Getty Images
Орта салмақта WBC чемпионы Карлос Адамес пен қазақстандық Мейірім Нұрсұлтанов жекпе-жек өткізуі мүмкін. Доминикандық боксшыға ұйым титулды міндетті түрде қорғауды тапсырды. Қазірге дейін 24 рет жеңіске жетіп, бір рет жеңіліп, бір рет тең түскен Адамес бұл жолы жеңіліп көрмеген қарсыласпен жұдырықтасуы керек — Мейірім 20 жекпе-жегінің бәрінде жеңіске жеткен, оның 11-і — нокаутпен.
WBC екі боксшының командасына келіссөз жүргізуге 6 мамырға дейін уақыт берді. Осы күнге дейін ортақ шешім шықпаса, ұйым промоутерлік сауда өткізеді.
Айта кетейік, бұл салмақта Қазақстанның тағы бір мақтанышы — Жәнібек Әлімханұлы бар. Ол WBO мен IBF белбеуін қатар иеленіп отыр. Жәнібек те әзірге жеңіліп көрмеген — 16 рет жеңіске жетіп, оның 11-ін ерте аяқтаған.
Ал WBA титулы кубалық Эрисланди Ларада. Егер Нұрсұлтанов алдағы жекпе-жекте жеңіске жетсе, Қазақстан орта салмақта тағы бір әлем чемпионына ие болуы мүмкін.
Айбар Рысдаулет
«Реал» Винисиусты 300 миллион еуроға сатуға дайын
Артём Резников кіммен жекпе-жек өткізгісі келеді?