Мария Шарапова теннис даңқ залына енді
Фото: Sportbox
Ресейдің ең атақты теннисшісі, «Үлкен дулыға» турнирлерінің бес дүркін жеңімпазы Мария Шарапова ресми түрде Халықаралық теннис даңқ залының мүшесі атанды, деп хабарлайды Pin-UpSport.kz. Салтанатты шара АҚШ-тың Нью-Порт қаласында өтті.
38 жастағы Шарапова – Ресей тарихындағы ең табысты теннисші. Оның еншісінде жалпы 39 WTA трофейі бар, соның ішінде 36-сы жекелей сында. Ең басты жетістіктерінің қатарында бес «Үлкен дулыға» жеңісі мен 2004 жылғы WTA қорытынды турнирінің кубогы бар. Ол 2020 жылы кәсіби мансабын аяқтағанымен, әлі күнге дейін әлем спортындағы ең танымал тұлғалардың бірі болып саналады.
Шараповамен қатар даңқ залына америкалық теннисшілер – Боб пен Майк Брайан да енгізілді. Қазіргі таңда бұл тізімде 28 елден 270 спортшы бар.
