Конор Макгрегор мен Макс Холлоуэйдің UFC 329 турниріндегі гонорарлары белгілі болды
Фото: Zuffa LLC
UFC 329 турнирінің басты жекпе-жегіне қатысқан Конор Макгрегор мен Макс Холлоуэйдің қанша табыс тапқаны белгілі болды, деп хабарлайды Pin-UpSport.kz. Ирландиялық пен америкалық арасындағы қарымта кездесу 12 шілдеде Лас-Вегаста өтті.
Журналист әрі инсайдер Ариэль Хельванидің мәліметінше, Конор Макгрегордың негізгі гонорары 15,04 миллион долларды құрады. Ал The Sportster басылымының хабарлауынша, UFC-дің бұрынғы чемпионы Макс Холлоуэй бұл жекпе-жек үшін 5,08 миллион доллар алған.
Қарымта кездесу бірінші раундта мерзімінен бұрын аяқталды. Конор Макгрегор аяғынан ауыр жарақат алып, жекпе-жекті жалғастыра алмады. Нәтижесінде жеңіс техникалық нокаутпен Макс Холлоуэйге берілді.
Макгрегор мен Холлоуэй алғаш рет 2013 жылы кездескен болатын. Сол жекпе-жекте ирландиялық файтер төрешілердің бірауызды шешімімен жеңіске жеткен еді. UFC 329 турниріндегі кездесу Конор Макгрегор үшін бес жылдық үзілістен кейінгі алғашқы ММА жекпе-жегі болды.
