Жібек Құламбаева Яссыдағы WTA 250 турнирінің негізгі кезеңіне шыға алмады
Қазақстандық теннисші Жібек Құламбаева Румынияның Яссы қаласында өтіп жатқан WTA 250 санатындағы турнирдің іріктеу кезеңін сәтті еңсере алмады, деп хабарлайды Pin-UpSport.kz. Финалдық іріктеу матчында ол испаниялық Лейре Ромеро-Гормазға есе жіберді.
Әлемдік WTA рейтингінде 464-орында тұрған қазақстандық теннисші шешуші кездесуде рейтингтің 146-сатысындағы Лейре Ромеро-Гормазбен кездесті. 1 сағат 37 минутқа созылған матч испаниялық спортшының 6:1, 6:4 есебімен жеңісімен аяқталды.
Бұл екі теннисшінің өзара үшінші кездесуі болды. Бұған дейінгі екі ойында да испаниялық теннисші жеңіске жеткен еді. Осылайша, Ромеро-Гормаз бұл жолы да басым түсіп, Құламбаеваның негізгі кезеңге шығуына мүмкіндік бермеді.
Яссыдағы WTA 250 турнирінің жалпы жүлде қоры 283 347 АҚШ долларын құрайды. Турнир жеңімпазы 32 520 доллар сыйақы мен WTA рейтингінің 250 ұпайына ие болады.
