2030 жылғы хоккейден әлем чемпионатының қожайындары анықталды
Халықаралық хоккей федерациясы 2030 жылғы әлем чемпионаты өтетін елдерді ресми түрде бекітті, деп хабарлайды Pin-UpSport.kz.
Шешім Швейцарияның Цюрих қаласында өткен ИИХФ-тың жыл сайынғы конгресінде қабылданды. Турнирді Финляндия мен Латвия бірлесіп өткізетін болды. Әлем чемпионатының матчтары 2030 жылдың 17 мамыры мен 2 маусымы аралығында Хельсинки мен Рига қалаларында өтеді.
Жартылай финалдар, қола жүлде үшін матч және финал Финляндия астанасы Хельсинкиде ұйымдастырылады.
Рига бұған дейін әлем чемпионатын 2006, 2021 және 2023 жылдары қабылдаған. Соңғы турнир Финляндияның Тампере қаласымен бірге өткізілген болатын. Ал Хельсинки әлем чемпионатын 1974, 1982, 1991, 1997, 2003, 2012, 2013 және 2022 жылдары қабылдады.
Сонымен қатар алдағы әлем чемпионаттарының өтетін орындары да белгілі. 2027 жылғы турнир Германияның Дюссельдорф және Манхейм қалаларында, 2028 жылғы дода Францияның Париж және Лион қалаларында, ал 2029 жылғы әлем чемпионаты Словакияның Братислава мен Кошице қалаларында өтеді.
