Елена Рыбакина Эр-Риядта өтетін WTA финалына жолдама алды
Фото: Contributor
Қазақстандық теннисші Елена Рыбакина Сауд Арабиясының астанасы Эр-Риядта өтетін Әйелдер теннис қауымдастығының (WTA) маусымдық финалына қатысатын сегізінші ойыншы атанды, деп хабарлайды Pin-UpSport.kz.
Ол Токиодағы турнирдің жартылай финалына шығуының арқасында бұл жолдаманы иеленді.
Осы нәтижесі арқылы Рыбакина ресейлік Мирра Андрееваны артта қалдырып, соңғы вакантты орынға ие болды. Бұл қазақстандық спортшының WTA маусымдық финалына қатарынан үшінші рет қатысуы болмақ.
Финалдық турнирге сонымен қатар Арина Соболенко (Беларусь), Ига Швёнтек (Польша), Жасмин Паолини (Италия), Кори Гауфф, Аманда Анисимова, Джессика Пегула және Мэдисон Киз (АҚШ) қатысады. Ал Мирра Андреева мен Екатерина Александрова қосалқы ойыншылар ретінде тіркелді.
WTA маусымдық финалы 1–8 қараша аралығында Эр-Рияд қаласында өтеді. Жеңімпаз 1500 рейтингтік ұпай және 3 миллион доллардан астам сыйақы алады.
Айбар Рысдаулет
Елена Рыбакина Токиодағы WTA 500 турнирінің ширек финалына шықты
Қуат Хамитов Дубайда өткен ACA 194 турнирінде сенсациялық жеңіске жетті