Дмитрий Попко Таллахассидегі турнирді алғашқы айналымда аяқтады
Дмитрий Попко
Қазақстандық теннисші Дмитрий Попко Таллахасси қаласында өткен ATP Challenger турнирінің бірінші айналымынан аса алмады, деп хабарлайды Pin-UpSport.kz. Осылайша, ол жекелей сында қатарынан жетінші жеңілісіне ұшырады.
Алғашқы матчта Попко америкалық Кэннон Кингслиге үш сетте есе жіберді — 3:6, 6:3, 5:7. Кездесу 2 сағат 10 минутқа созылды. Ойын барысында қазақстандық теннисші бес эйс жасап, жеті қос қателік жіберді және тоғыз брейк-пойнттың төртеуін ғана пайдалана алды.
Ал қарсыласы жеті эйс жасап, екі қос қателікке жол берді және он бір мүмкіндіктің бесеуін брейкке айналдырды. Енді Кингсли келесі кезеңде өз жерлесі Майкл Ммомен кездеседі, ол әлемдік рейтингте 264-орында тұр.
Дмитрий Попко — Қазақстанның кәсіби теннисшісі. Оның қоржынында ATP Challenger деңгейіндегі үш титул және ITF турнирлерінде 30-дан астам жеңіс бар. Қазіргі таңда ол ATP рейтингінде 591-орынды иеленіп отыр.
Айбар Рысдаулет
Елена Рыбакина Штутгарттағы WTA 500 турнирінің басты фавориті саналады
Жәнібек Әлімханұлы салмақ дәрежесіне қарамастан әлемнің үздік боксшыларының топ-5 қатарына енді