Давид Лория ҚФФ-дегі қызметінен кетті
Давид Лория. Фото: kff.kz
Қазақстан футбол федерациясының вице-президенті Давид Лория ұйымдағы жұмысын аяқтайтынын мәлімдеді, деп хабарлайды Pin-UpSport.kz.
44 жастағы маман бұл туралы әлеуметтік желідегі парақшасында жазды. Оның айтуынша, ҚФФ президенті Марат Омаров вице-президент қызметінде қалуды ұсынған, алайда тараптардың футболды дамыту мен кейбір өмірлік құндылықтарға қатысты көзқарастары сәйкес келмеген.
«Бүгін мен Қазақстан футбол федерациясындағы жұмысымды аяқтау туралы шешім қабылдадым. ҚФФ президенті Марат Омаров вице-президент қызметін жалғастыруды ұсынды, алайда футболды дамыту және кейбір өмірлік құндылықтар жөніндегі көзқарастарымыз сәйкес келмейді», – деп жазды Лория.
Ол федерациядағы қызметі барысында маңызды жобалардың жүзеге асқанын және үлкен басқарушылық тәжірибе жинағанын атап өтті. Сондай-ақ әріптестеріне, клубтарға, өңірлік федерацияларға, бапкерлерге, футболшыларға және жанкүйерлерге алғыс білдірді.
Еске салсақ, Давид Лория 2025 жылдан бастап ҚФФ-ның бас хатшысы қызметін атқарды. Ал 2026 жылдың наурызында федерацияның вице-президенті болып тағайындалған еді.
