Дастан Амангелді «Oktagon» промоушеніндегі дебюттік жекпе-жегін жеңіспен бастады
Дастан Амангельды. Фото: 5q.media
Қазақстандық ММА шебері Дастан Амангелді Еуропадағы ең беделді ұйымдардың бірі саналатын «Oktagon» промоушеніндегі алғашқы жекпе-жегінде жеңіске жетті, деп хабарлайды Pin-UpSport.kz.
Германияның Штутгарт қаласында өткен Oktagon 83 турнирі қазақстандық спортшы үшін мансабындағы алғашқы халықаралық жарыс болды және ол бұл сыннан сәтті өтті.
Амангелдінің қарсыласы бразилиялық Вандерлей Жуниор болды. Ол бұған дейін Қазақстандағы бірнеше промоушенде өнер көрсетіп, жергілікті жанкүйерлерге жақсы таныс. Бразилиялық спортшы «Alash Pride» ұйымында чемпион атанып, «Naiza» белбеуі үшін жекпе-жек өткізген. Сонымен қатар ол Жуман Жумабеков пен Руслан Сариевті жеңіп, Нұрбек Қабдрахмановтан жеңілген болатын. Осындай тәжірибесі бар қарсыласпен кездесу Амангелді үшін маңызды сынақ саналды.
Үш раундқа созылған жекпе-жек толық қашықтықта өтіп, төрешілердің бір ауыздан қабылдаған шешімімен қазақстандық спортшының жеңісімен аяқталды. Кездесу барысында Амангелді айқастың ырғағын өз бақылауында ұстап, тактикалық тұрғыда сауатты қимылдады және қарсыласының басымдығын жоққа шығара білді. Бұл жеңіс оның кәсіби мансабындағы оныншы табысы болып тіркелді.
Жекпе-жек кезінде Амангелдіге «Еркiн Куш» залындағы командаласы, актобелік Жалғас Жумагулов секундирлік етті. Ол «Oktagon» промоушенінің наилегчай салмақтағы қазіргі чемпионы әрі осы ұйымдағы алғашқы қазақстандық белбеу иегері саналады. Амангелдінің табысты дебюті оның Еуропадағы мансабын дамытуға және болашақта жоғары деңгейдегі жекпе-жектерге жол ашуы мүмкін.
Айбар Рысдаулет
Карлос Алькарас Australian Open-2026 турнирінің чемпионы атанды
Australian Open-2026 нәтижесінен кейін Рыбакина WTA рейтингінде үшінші орынға көтерілді