DAR Team Шавкат Рахмонов пен Ислам Махачев арасындағы мүмкін жекпе-жекке меңзеді
Шавкат Рахмонов
Қазақстандық файтер Шавкат Рахмонов өкілі саналатын DAR Team баспасөз қызметі полусредний салмақтағы жаңа UFC чемпионы Ислам Махачевпен өтетін ықтимал жекпе-жек туралы ишара жасаған жарияланыммен бөлісті, деп хабарлайды Pin-UpSport.kz. Команданың Instagram парақшасындағы жазба жанкүйерлер арасында қызу талқыланып жатыр.
Бұл мәлімдеме дивизиондағы соңғы өзгерістер мен турнир нәтижелерінен кейін ерекше назар аудартты. Рахмонов қазіргі таңда UFC полусредний салмағындағы рейтингте үшінші орында тұр және титулдық айқасқа негізгі үміткерлердің бірі саналады. Ал Ислам Махачев жеңіл салмақта жеткен жетістіктерінен кейін жаңа дивизионда өнер көрсетіп, чемпиондық белбеуді иеленді. DAR Team жариялаған жазба екі спортшы арасындағы жекпе-жекті ұйымдастыруға деген қызығушылықтың артып келе жатқанын көрсетті.
Астана уақыты бойынша бүгін таңертең Ислам Махачев Нью-Йорктегі Madison Square Garden аренасында өткен UFC 322 турнирінің басты жекпе-жегінде австралиялық Джек Делла Маддаленаға қарсы шаршы алаңға шықты. Бес раундқа созылған айқаста барлық төреші 50-45 есебімен Махачевтің жеңісін тіркеді. Бұл жетістік оған UFC полусредний салмағындағы чемпион атағын алып келді және дивизиондағы күштердің арақатынасына тікелей әсер етті.
Алдағы апталарда UFC басшылығы титулдық айқастарға қатысты шешім қабылдайды. Рахмоновтың рейтингтегі жоғары орны және жанкүйерлердің қызығушылығы ескерілсе, оның Махачевпен жекпе-жек өткізу мүмкіндігі айтарлықтай жоғары бағалануда. Мұндай қарсыластық полусредний салмақтағы ең маңызды оқиғалардың біріне айналып, титул үшін күрестің келешегіне ықпал етуі мүмкін.
Айбар Рысдаулет
Мәнерлеп сырғанаушы Михаил Шайдоров АҚШ-та өткен Гран-при кезеңінде күміс медаль жеңіп алды
Базров Рахмонов пен Махачев арасындағы жекпе-жек мүмкіндігі туралы пікір білдірді