Данилина жұптық сында ширек финалға жолдама алды
Фото: Olympic.kz
Қазақстандық теннисші Анна Данилина Парижде өтіп жатқан «Ролан Гаррос» турнирінде жұптық сында ширек финалға шықты. Ол сербиялық Александра Круничпен бірге өнер көрсетіп жатыр.
1/8 финалда Данилина мен Крунич АҚШ өкілі Эйжа Мухаммад пен нидерландтық Деми Схюрс дуэтін екі сетте жеңді – 6:4, 6:0.
Жартылай финалға шығу үшін олар америкалық Тейлор Таунсенд пен чехиялық Катерина Синяковаға қарсы ойнайды. Бұл жұп – турнирдің бірінші нөмірлі фавориті.
Айта кетейік, бұған дейін осы жарыста Александр Бублик те ширек финалға өткен болатын.
