Дәурен Ермеков ACA 205 турнирінде жекпе-жек өткізеді
Қазақстандық орта салмақтағы файтер Дәурен Ермеков келесі жекпе-жегін 17 шілдеде Алматыда өтетін ACA 205 турнирінде өткізеді, деп хабарлайды Pin-UpSport.kz. Оның қарсыласы тәжірибелі бразилиялық спортшы Рене Пессоа болады.
Рене Пессоаның кәсіпқой мансабында 26 жеңіс пен 12 жеңіліс бар. Алдағы кездесу екі спортшы үшін де соңғы сәтсіз жекпе-жектерден кейін жеңіс жолына қайта оралуға мүмкіндік береді.
Дәурен Ермеков соңғы рет мамыр айында Ташкентте өткен ACA 203 турнирінде октагонға шыққан болатын. Сол кездесуде ол ACA ұйымындағы алғашқы жеңілісіне ұшырап, тәжікстандық Фаридун Одиловқа бес раундтың қорытындысы бойынша төрешілердің бірауызды шешімімен есе жіберді. Ал Рене Пессоа соңғы жекпе-жегін 6 ақпанда ACA 200 турнирінде өткізіп, бірінші раундтың төртінші секундында ресейлік Руслан Шамиловтан техникалық нокаутпен жеңілген еді.
ACA 205 турнирі 17 шілдеде Алматыда өтеді және оған бірнеше елдің файтерлері қатысады. Дәурен Ермеков үшін бұл жекпе-жек жеңіс жолына қайта оралып, ұйымның орта салмақтағы рейтингіндегі орнын нығайтуға мүмкіндік береді.
