«Челси» клубтық әлем чемпионатында екінші рет топ жарды
Фото: FIFA via Getty Images
Англияның «Челси» клубы 2025 жылғы клубтық әлем чемпионатының финалында «ПСЖ»-ні 3:0 есебімен ойсырата жеңіп, турнирдің жеңімпазы атанды, деп хабарлайды Pin-UpSport.kz.
Финалдық ойын АҚШ-тың Нью-Джерси штатындағы «Метлайф Стэдиум» аренасында өтті. Кездесуде басты кейіпкер атанған Коул Палмер 22-минутта есеп ашып, араға сегіз минут салып дубль жасады. Ал 43-минутта Жоау Педру Палмердің пасынан кейін үшінші голды соқты.
Биылғы жарыс алғаш рет жаңа форматта – алты конфедерациядан 32 клубтың қатысуымен ұйымдастырылды. «Челси» бұл турнирде екінші мәрте жеңіске жетіп отыр. Алғаш рет олар 2021 жылы финалда «Палмейрас» клубын ұтқан еді.
Клубтық әлем чемпионатындағы ең көп жеңіске жеткен команда – бес мәрте топ жарған мадридтік «Реал».
