Клубтық әлем чемпионатының үздіктері анықталды
Фото: Getty Images
АҚШ-та өткен клубтық әлем чемпионаты аяқталып, ФИФА турнирдің жекелеген марапат иелерін жариялады, деп хабарлайды Pin-UpSport.kz.
Финалда екі гол соққан «Челси» жартылай қорғаушысы Коул Палмер турнирдің ең үздік ойыншысы атанды.
Ең үздік қақпашы атағы тағы бір «Челси» ойыншысы — Роберт Санческе бұйырды. Ол финалдық кездесуде өз қақпасын голдан аман сақтап қалды. Ал ең үздік жас ойыншы номинациясы «ПСЖ»-ның жас шабуылшысы Дезире Дуэге берілді. Ол финалда жеңілгенімен, бүкіл турнир барысында жоғары деңгейдегі ойынымен көзге түсті.
Үздік сұрмерген атағын бірден төрт футболшы бөлісті: Гонсало Гарсия («Реал Мадрид»), Маркос Леонардо («Аль-Хиляль»), Серу Гираси («Боруссия Дортмунд») және Анхель Ди Мария («Бенфика») — барлығы 4 голдан соқты.
