Бублик «Ролан Гарростың» ширек финалында сүрінді
Фото: Getty Images
Парижде өтіп жатқан «Ролан Гаррос» турнирінің ширек финалында Александр Бублик италиялық Янник Синнерге жол берді.
Бірінші сетте қазақстандық теннисші мүлде ойын көрсете алмады. Синнер басынан-ақ басымдықты өз қолына алып, Бубликке тек бір гейм ғана ұтып алуға мүмкіндік берді – 1:6.
Екінші сетте тартыс күшейді. Александр брейкке жол бермей жақсы қарсыласты. Бірақ есеп 5:5 болғанда шешуші қателікке бой алдырды. Синнер бұл мүмкіндікті мүлт жібермей, тағы бір партияны өз пайдасына шешті.
Ал соңғы сет мүлде италиялық спортшының толық бақылауында өтті. Бублик бірде-бір гейм ұта алмады. Осылайша, Александр Бубликтің «Ролан Гарростағы» жолы ширек финалмен аяқталды.
Автор туралы
Айбар Рысдалует
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
